له پېښو سره د مبارزې آمادګۍ ملي ادارې او د افغانستان د پیاوړتیا مؤسیسې تر منځ د دري سوه دري اتیا زره اوه سوه او اوه نیوي ډالرو (۳۸۳۷۹۷) په ارزښت د ګډو همکاريو تفاهم نامه لاسلیک سوه.
نن ورځ سې شنبه له پېښو سره د مبارزې امادګۍ ملي ادارې لوی رئیس الحاج ملانورالدین ترابي د افغانستان د پیاوړتیا مؤسیسې د رئیس عبدالهادي کریمي سره وکتل.
ترابي صاحب د یادي مؤسیسې راغلي پلاوي ته ښه راغلاست ووایه او زیاته یې کړل چي دوې میاشتي مخکي مو هم د یادي مؤسیسې سره تفاهم نامه لاسلیک کړې ده او خوښ یو چي نن یو ځل بیا تفاهم نامه لاسلیک کوو او په دې سره به شاوخوا ۱۶۹۰۵ کورنۍ د مرستو څخه برخمني سي.
همدارنګه ترابي صاحب وویل چي هر ډول پروژې په هر ولایت کي عملي کیږي باید په پروژو کي پوره شفافیت وي او خلګ پر وخت د پروژې دګټو څخه برخمن سي.
د افغانستان د پیاوړتیا مؤسیسې رئیس عبدالهادي کریمي وویل چي یاده مؤسیسه په بیلابیلو برخو کي د خلګو سره مرستي کوي، چي یو برخه یی د طبیعي او غیر طبیعي پېښو زیانمن دي.
د یادونې وړ ده، چې یاده تفاهم نامه د درې سوه دري اتیا زره اوه سوه او اوه نیوي (۳۸۳,۷۹۷) ډالرو په ارزښت لاسلیک سوه، چې له مخې به یې د کندز او بغلان ولایتونو په ټولو ولسوالیو کي ۱۶،۹۰۵ بېوزله او زیانمنو سویو کورنیو ته د یو کال په موده کې، خوراکي او نغدي مرستې ووېشي، چې په کندز ولایت کې به ۱۱،۱۳۲ او بغلان ولایت کې ۵،۷۷۳ کورنیو ته په میاشتني ډول ۵۰ کیلو اوړه، ۴.۵۵، لیټره غوړي، ۶.۲۵ کیلو دال، ۰.۵ کیلو مالګه او همدارنګه په کندز ولایت کې به ۱،۹۶۲ او بغلان ولایت کې ۹۸۱ اړمنو او د طبیعي پېښو له امله زیانمنو سویو کورنیو ته هري کورنۍ ته به ۲،۹۰۰ افغانۍ ووېشل سي.
نیټه: ۱۴۴۷/۳/۱۶ هـ ق
له پېښو سره د مبارزې امادګۍ ملي اداره
