د ارزګان ولایت د ګیزاب په ولسوالۍ کې د غره ښوېیدو له امله د زیانمنو کورنیو سره د مرستو لپاره هڅې روانې دي
د ارزګان ولایت د ګیزاب ولسوالۍ د ولسوال او له پېښو سره د مبارزې آمادگی ریاست د لومړنیو راپورونو له مخې، تیره شپه یوه بجه د یادې ولسوالۍ د سرموري کلي په تالاب سیمه کې، چې یوه صعبالعبوره سیمه ده، د غره ښویېدنه شوې ده او له بده مرغه د یوې کورنۍ اووه غړي پکښې شهیدان شوي دي.
له پېښو سره د مبارزې آمادګۍ ملي ادارې د سرپرست، الحاج ملا نورالدین ترابی د همغږۍ له مخې، د پېښې د رامنځته کېدو راهیسې د ملي دفاع وزارت چورلکو څو ځلې هڅه وکړه چې د ژغورنې او پلټنې عملیاتو لپاره په سیمه کې کښته شي، خو له بده مرغه، د سیمې د نه مساعدېدو له امله ونه توانېدل چې چورلکې هلته کښته شي.
د یادونې وړ ده چې، پېښه د میرزا محمد نامه د سیمې اوسېدونکي په کور کې رامنځته شوه چې د نوموړي په شمول اووه شهیدان د سیمې د خلکو په مرسته له نړېدلي کور څخه را ایستل شوي دي.
د یادونې ده, چې د ادارې مشرتابه د ارزګان او دایکندي ولایتونو له پېښو سره د مبارزې آمادګۍ ریاستونو ته لارښوونه کړی، ترڅو ژر تر ژره د پېښې ځای ته ورسیږي او د زیانمنو شویو کورنیو سره مرسته وکړي. همدارنګه، اعلان کوي چې د شهیدانو له کورنیو او ټپیانو سره به لازمې مرستې وکړي.
نیټه: ۱۴۴۶/۸/۲۹
له پېښو سره د مبارزې آمادګۍ ملي اداره
