د افغانستان د سره صلیب د پلاوي رییس سره د پېښو ته د رسېدو په چارو کې د دولت وزیر لیدنه
کابل_12 دلو 1400
کابل- د سلواغې۱۳مه -۱۴۰۰
ښاغلي ملام محمد عباس آخند، پېښو ته د رسېدو په چارو کې د دولت وزیر نن له غرمې وروسته په خپل کاري دفتر کې له ایلوا فیلیون، د افغانستان د سره صلیب پلاوي رییس سره په بېړنیو حالاتو کې د فعالیتونو په اړه لیدنه او خبرې وکړې.
په دې ناسته کې لومړۍ پېښو ته د رسېدو په چارو کې د دولت وزیر د ښه راغلاست او د سره صلیب له فعالیتونو او کړنو څخه د مننې ترڅنګ وویل: زموږ مسوولیت دا دې چې مرستې راجلب کړو او په مساوي ډول یې زیانمن شویو او مستحقینو ته ووېشو.
ښاغلي ملا محمد عباس آخند د دې په څرګندولو سره چې د دغه وزارت فعالیتونه سیاسي نه دي، زموږ موخه د پېښو لکه سیلاب، زلزلې، وچکالۍ او نورو طبعي پېښو له امله زیانمن شویو او د ټولنې د ټولو طبقو ته په رڼه او یو ډول رسېدنه ده.
په دوام کې په افغانستان کې د سره صلیب سازمان رییس د خپلو کړنو او فعالیتونو د بیانولو په ترڅ کې وویل په تېرو ۳۰ کلونو کې سره صلیب په افغانستان کې د بېړنیو حالاتو ته د رسېدو، په ټول هیواد کې د روغتونونو جوړولو، د څه د پاسه ۱۰۰ زرو ناروغانو درملنې، د هیواد په جنوب کې د خلکو لپاره د اوبو رسولو د سیسټم بیا رغولو او د جګړې، وچکالۍ او بېوزلۍ له امله زیانمن شویو ته د مرستو د وېش په برخه کې کار کړۍ او د دغو فعالیتونو دوامداره ساتلو ته ژمن دی.
ښاغلي فیلیون د تخنیک، د ظرفیت لوړلو او په افغانستان کې زیانمن شویو ته د رسېدنې په پار د بشري مرستو د برابرولو لپاره د مرسته کونکو هیوادونو د سره صلیب سازمانونو لخوا د همکاري ژمنه وکړه.
په پای کې دواړو خواوو د پېښو له امله زیانمن شویو ته د رسېدنې او د بېړنیو حالاتو فعالیتونو پر همغږۍ او همکاري ټینګار وکړ.
