د بادغیس ولایت له پېښو سره د مبارزې آمادګۍ ریاست ۳۶۸ زیانمنو کورنیو ته خوراکي مرستې ووېشلې
د بادغیس ولایت له پېښو سره د مبارزې آمادګۍ ریاست، د دې ولایت په مرکز قلعه نو کې د طبیعي پېښو له امله ۳۶۸ زیانمنو کورنیو ته له سروې وروسته خوراکي او غیرخوراکي مرستې ووېشلې
په دې لړۍ کې هرې کورنۍ ته ۵۰ کیلو اوړه، ۴۴ عدده د غوښې کنسر، ۳ کیلو بوره، نیم کیلو چای او له یاد شمېر کورنیو څخه ۳ کورنیو ته چې کورونه یې د اورلګېدنې له امله په بشپړ ډول ویجاړ شوي وو، هرې کورنۍ ته یو باب خیمه هم ووېشل شوه.
نېټه:۱۴۴۷/۶/۱۸ هـ ق
له پېښو سره د مبارزې آمادګۍ ملي اداره
