د بامیان ولایت په مرکز کې د استنادي دیوال پروژه بشپړه او ګټې اخیستنې ته وسپارل شوه
د بامیان ولایت له پېښو سره د مبارزې د آمادګۍ ریاست، د بامیان ولایت د مرکز د دولتاباد ملاغلام په کلي کې د استنادي دیوال/سیلبند پروژه د هستوګنې لپاره د آغاخان موسسې (AKAH) په مالي ملاتړ بشپړه او رسماً یې ګټې اخیستنې ته وسپارله.
د دې پروژې د پرانیستې او سپارلو په مراسمو کې د بامیان ولایت له پېښو سره د مبارزې آمادګۍ رئیس، د ولایت مقام استازي، د اقتصاد ریاست، او د AKAH موسسې مسؤلینو ګډون کړی و.
دا پروژه چې ۱۳۴ متره اوږدوالی لري، ټولټال د ۱,۳۸۵,۸۹۲ (یو میلیون او درې سوه پنځه اتیا زره او اته سوه او دوه نوي) افغانیو په لګښت د سېلابونو له خطرونو څخه د خلکو د کورونه او کرنیزو ځمکو د ساتنې په موخه بشپړه شوه.
یاده پروژه د طبیعي پېښو د خطرونو په کمولو کې د خلکو د ګډون پروګرام یوه برخه ده چې د AKAH محترمې موسسې له خوا د بامیان ولایت له پېښو سره د مبارزې آمادګۍ ریاست تر څار لاندې پلي شوې ده.
نېټه: ۱۴۴۷/۰۴/۱۳ هـ ق
له پېښو سره د مبارزې آمادګۍ ملي اداره
