د بدخشان ولایت له پېښو سره د مبارزې آمادګۍ ریاست ۱۹۱۵ تنه کاریګرو ته ۱۶,۲۷۷,۵۰۰ افغانۍ وېشلې
له پېښو سره د مبارزې آمادګۍ ملي ادارې او له لوږې سره د مبارزې موسسې تر منځ د لاسلیک شوي هوکړه لیک پر بنسټ، د بدخشان ولایت له پېښو سره د مبارزې آمادګۍ ریاست د یادې موسسې په مالي ملاتړ، د ( د پېښو د خطرونو مدیریت او د ژوند د ښه والي له لارې د ټولنې د انعطاف لوړولو ) پروژې تر سرلیک لاندې ۱۹۱۵ کسانو ته د کار په بدل کې نغدي مرسې ووېشلې.
په دې پروژه کې له ۱۷۷۰ کسانو څخه هر کارګر ته د ورځې ۴۰۰ افغانۍ ورکول کېدې، چې د ۲۰ ورځو موده کې هر کارګر ته ۸۰۰۰ افغانۍ د مزد په ډول او ۵۰۰ افغانۍ د کاري وسایلو د اخیستلو په موخه ووېشل شوې.
سربېره پردې، ۱۴۵ مېرمنو هم په دې پروژه کې د کار کولو په موخه برخه اخیستې وه، چې هرې یوې ته د کار په بدل کې ۸۰۰۰ افغانۍ او د کار د وسایلو د پېرلو په بدل کې ۵۰۰ افغانۍ ورکړل شوې.
ټولټال ١٦٢٧٧٥٠٠ افغانیو ( ١٦ میلیونه، ٢٧٧ زره او ٥٠٠ ) افغانۍ د ١٩١٥ کسانو لپاره ځانګړې شوې وې.
د يادونې وړ ده، چې په دې فعاليتونو کې د فيض آباد ښار په بېلابېلو ناحیو کې د کرنيزو کانالونو او سړکونو پاکول شامل وو.
نېټه: ١٤٤٦/٩/٢٤ ه.ق
له پېښو سره د مبارزې آمادګۍ ملي اداره
