د بغلان ولایت له پېښو سره د مبارزې آمادګۍ ریاست ۳,۰۰۷ مستحقو کورنیو ته خوراکي او نغدې مرستې ووېشلې
له پېښو سره د مبارزې آمادګۍ ملي ادارې او د هستوګنې لپاره د آغاخان بنسټ او د ASIO موسسې سره د هوکړه لیک له مخې، چې د پروژې تمویل کوونکی یې د خوړو نړیوال پروګرام (WFP) دی، د بغلان ولایت له پېښو سره د مبارزې آمادګۍ ریاست په بغلان مرکزي او بورکه ولسوالیو کې ۳,۰۰۷ زیانمنو او مستحقو کورنیو نغدې او خوراکي مرستې ووېشلې.
په دې لړۍ کې ۲,۶۹۲ کورنیو هرې یوې ته د ASIO موسسې له لوري، په دویم پړاو کې ۵۰ کیلو اوړه، ۴.۵۵ لیټره غوړي، ۶.۲۵ کیلو دال، نیم کیلو مالګه، ۳ کیلو سوپر سریال او یو نیم کیلو پلمپي او ۳۱۵ کورنیو هرې یوې ته د هستوګنې لپاره د آغاخان بنسټ له لوري په بغلان مرکزي ولسوالۍ کې ۴,۳۵۰ افغانۍ ووېشل شوې چې د نغدو مرستو مجموع ټولټال یو میلیون او درې سوه اویا زره او دوه سوه پنځوس (۱,۳۷۰,۲۵۰) افغانۍ کېږي.
نېټه: ۱۴۴۷/۶/۱۲ هـ ق
له پېښو سره د مبارزې آمادګۍ ملي ادارې
