د جوزجان ولایت له پېښو سره د مبارزې آمادګۍ ریاست د وروستیو بارانونو او اورلګېدنې له امله زیانمنو کورنیو ته خوراکي او غیرخوراکي مرستې ووېشلې
د جوزجان ولایت له پېښو سره د مبارزې آمادګۍ ریاست، د یاد ولایت په مرکز او ولسوالیو کې د وروستیو بارانونو او اورلګېدنې له امله ۵ زیانمنو کورنیو ته چې کورونه یې په بشپړه او نیمه توګه ویجاړ شوي وو، اړینې مرستې ووېشلې.
یاد شمېر کورنیو ته له سروې او تثبیت وروسته، له پېښو سره د مبارزې آمادګۍ ریاست له امکاناتو، ۳ کورنیو ته چې کورونه یې په بشپړه توګه ویجاړ شوي وو، هرې کورنۍ ته ۷۵ کیلو وریجې، ۱۵ لیټره غوړي، ۲۰ کیلو مایع ګاز، درې تختې کمپلې، د اوبو ۲ سطلونه او ۱ باب چینایي خیمه د ټولو لوازمو سره ووېشل شول. همداراز، ۲ کورنیو ته چې کورونه یې په نیمه توګه ویجاړ شوي وو، هرې کورنۍ ته ۵۰ کیلو وریجې، ۱۰ لیټره غوړي، ۲۰ کیلو مایع ګاز، ۲ تختې کمپلې او د اوبو ۲ سطلونه ووېشل شول.
نېټه: ۱۴۴۶/۹/۳
له پېښو سره د مبارزې آمادګۍ ملي اداره
