د غزني ولایت له پېښو سره د مبارزې آمادګۍ ریاست ۳۰ تنه روغو شویو روږدو کسانو ته د کوچنیو کارونو د پیل کولو لپاره نغدي مرستې ووېشلې
له پېښو سره د مبارزې آمادګۍ ملي ادارې او د AYSO مؤسسې ترمنځ د لاسلیک شوي هوکړه لیک له مخې، د غزني ولایت له پېښو سره د مبارزې آمادګۍ ریاست د یادې مؤسسې په ملاتړ، د دې ولایت اړوند ۳۰ تنه روغو شویو روږدو کسانو ته د کوچنیو کارونو د پیل کولو په موخه نغدي مرستې ووېشلې.
په دې لړۍ کې هر تن ته د مسؤلینو په شتون کې، ۸۲،۲۰۰ افغانۍ ووېشل شوې، چې ټولټال د یاد شمېر کسانو لپاره دوه میلیونه او څلور سوه او شپږ شپېته زره (۲،۴۶۶،۰۰۰) افغانۍ ځانګړې شوې وې.
نېټه: ۱۴۴۷/۶/۲۴ ه.ق
له پېښو سره د مبارزې آمادګۍ ملي اداره
