د فاریاب ولایت له پېښو سره د مبارزې آمادګۍ ریاست ۱۴۸ کورنیو ته د شلټر(کور) جوړولو او ترمیم لپاره نغدې مرستې ووېشلې
له پېښو سره د مبارزې آمادګۍ ملي ادارې او د DAART موسسې تر منځ د لاسلیک شوي هوکړه لیک له مخې، د فاریاب ولایت له پېښو سره د مبارزې آمادګۍ ریاست د یادې موسسې په ملاتړ، ۱۴۸ کورنیو ته چې کورونه یې په بلچراغ ولسوالۍ کې د پېښو له امله ویجاړ شوي وو، د شلټر(کور) جوړولو او ترمیم لپاره نغدې مرستې ووېشلې.
په دې لړۍ کې د سیمه ییزو مسؤلینو په شتون کې، له یادې جملې ۶۴ کورنیو هرې یوې ته د درې خونو د کور (شلټر) جوړولو لپاره ۷۰,۰۷۴ افغانۍ، ۶۴ کورنیو هرې یوې ته د دوو خونو کور جوړولو لپاره ۵۳,۵۶۰ افغانۍ، ۱۲ کورنیو هرې یوې ته د اساسي ترمیم لپاره ۱۴,۷۱۰ افغانۍ او ۸ نورو کورنیو هرې یوې ته د جزئي ترمیم لپاره ۸,۸۳۰ افغانۍ ووېشل شوې.
نېټه: ۱۴۴۷/۴/۱۶ هـ ق
له پېښو سره د مبارزې آمادګۍ ملي اداره
