د فاریاب ولایت له پېښو سره د مبارزې آمادګۍ ریاست ۳۰۱ زیانمنو کورنیو ته د خونو جوړولو او ترمیم لپاره نغدې مرستې ووېشلې
له پېښو سره د مبارزې آمادګۍ ملي اداې او د ډارټ موسسې تر منځ د لاسلیک شوي هوکړه له مخې، د فاریاب ولایت له پېښو سره د مبارزې آمادګۍ ریاست د یادې موسسې په مالي ملاتړ، د دې ولایت په بلخچراغ ولسوالۍ کې ۳۰۱ زیانمنو کورنیو ته چې کورونه یې د طبیعي پېښو له امله ویجاړ شوي وو، د خونو جوړولو او د ترمیم کار پرمختګ ته په کتو د خونو جوړولو او ترمیم لپاره د درېیم پړاو نغدې مرستې ووېشلې.
په دې لړۍ کې د مسؤلینو په شتون کې له یاد شمېر کورنیو څخه ۸۸ کورنیو هرې یوې ته د جزئي ترمیم لپاره ۸,۷۵۰ افغانۍ، ۸۵ کورنیو هرې یو ته د اساسي ترمیم لپاره ۱۴,۵۹۰ افغانۍ، ۶۴ کورنیو هرې یوې ته د یوې خونې سرپناه جوړولو لپاره ۲۶,۵۹۰ افغانۍ او ۶۴ کورنیو هرې یوې ته د دوو خونو د سرپناه جوړولو لپاره ۳۵,۱۴۰ افغانۍ ووېشل شوې، چې ټولټال پنځه میلیونه او نه سوه شپېته زره او اته سوه اویا (۵,۹۶۰,۸۷۰) افغانۍ نغدې پیسې د یاد شمېر کورنیو لپاره ځانګړې شوې وې.
نېټه:۱۴۴۷/۶/۱۶ هـ ق
له پېښو سره د مبارزې آمادګۍ ملي اداره
