د ننګرهار ولایت له پېښو سره د مبارزې آمادګۍ ریاست ۱۵۰ زلزله ځپلو کورنیو ته خوراکي او غیر خوراکي مرستې ووېشلې
د ننګرهار ولایت له پېښو سره د مبارزې آمادګۍ ریاست، د یاد ولایت په دره نور ولسوالۍ کې د وروستۍ زلزلې له امله ۱۵۰ زیانمنو کورنیو ته له سروې وروسته د خوراکي او غیرخوراکي توکو دوه کېټونه ووېشل.
په دې لړۍ کې هرې کورنۍ ته د مسؤلینو په شتون کې، ۲ تختې کمپلې، یو باب خیمه، یوه تخته توشک، یو جای نماز، ۲ بوتل نیم کیلویي غوړي، ۲ پاکټه مکروني، ۲ پاکټه خرما، ۲ پاکټه بوره، د ماشومانو لپاره ۲ پاکټه بسکېټ، ۲ پاکټه لوبیا، ۲ پاکټه وریجې، ۴ پاکټه دال، یو پلاستیکي دسترخوان، ۱ پاکټ پوډر، ۴ پاکټه روی پاک، ۴ د غاښونو برسونه، ۲ د غاښونو کریم، ۱ بوتل د لوښو شامپو، ۱ دستشویی شامپو، ۱ د ځان مینځلو شامپو، ۴ کلچې صابون، ۱ بنډل کاغذ تشناب، د ماشومانو لپاره ۲ پمپر، د لوښو پاکولو ۱ وسیله او ۱ لاسپاک ووېشل شول.
ورته مهال، له پیښو سره د مبارزې آمادګۍ ریاست ټینګار وکړ، چې له زلزله ځپلو کورنیو سره به د مرستو لړۍ دوام ولري.
نېټه:۱۴۴۷/۰۳/۱۴ هـ ق
له پېښو سره د مبارزې آمادګۍ ملي اداره
