د پنجشیر ولایت له پېښو سره د مبارزې آمادګۍ ریاست په رخه ولسوالۍ کې د ډبرو یو محافظوي دېوال د جوړولو او د سېلابي لارې د پاکولو چارې پیل کړې
له پېښو سره د مبارزې آمادګۍ ملي ادارې او د کلیو د بیا رغونې او پرمختیا موسسې (ORDR) ترمنځ د لاسلیک شوي هوکړهلیک پر بنسټ، چې پروژه یې د DAHW دفتر لخوا تمویل کېږي، له پېښو سره د مبارزې آمادګۍ ریاست د یادې موسسې په ملاتړ، د رخه ولسوالۍ په میرخېل کلي کې د ډبرو یو محافظوي دېوال د جوړولو او د سېلابي لارې د پاکولو کارونه پیل کړل.
دا محافظوي دېوال چې اوږدوالی یې ۵۴ متره دی، د بنسټ ډبره یې د پنجشیر ولایت له پېښو سره د مبارزې آمادګۍ رئیس، محبالله جاهد، د رخه محترم ولسوال، د اقتصاد ریاست استازي او د سیمې یو شمېر سپینږیرو او مشرانو په شتون کې کېښودل شوه.
د یادونې وړ ده، چې د دې محافظوي دېوال پرانېستل او له خټو او رسوباتو څخه د سېلابي لارې پاککول د زیانمنتیا د کچې په کمولو، د زیانمنو سیمو په خوندیتوب او د ټولنې د وړتیاوو په لوړولو کې مهم ګام بلل کېږي.
نېټه: ۱۴۴۷/۴/۱۲ هـ.ق
له پېښو سره د مبارزې آمادګۍ ملي اداره
