د پنجشیر ولایت له پېښو سره د مبارزې آمادګۍ ریاست ۴۲ کورنیو ته خوراکي او غیرخوراکي مرستې ووېشلې
د پنجشیر ولایت له پېښو سره د مبارزې آمادګۍ ریاست، هغو ۴۲ کورنیو ته چې کورونه یې د دې ولایت په عنابه، رخه او دره ولسوالیو او مرکز کې د طبیعي پېښو له امله په بشپړ او نیمه ډول ویجاړ او د کورنۍ غړي یې شهیدان شوي وو، تر سروې وروسته خوراکي او غیرخوراکي مرستې ووېشلې.
په دې بهیر کې د مسؤلینو په شتون کې، ۳۵ کورنیو هرې یوې ته دوه بورۍ غنم، ۵ کیلو بوره، یو پایه چپرکټ، یوه روغتیایي بسته، د ژمنۍ البسې یوه بسته، یو د پخلنځي کېټ او ۷ نورو کورنیو هرې یوې ته دوه بورۍ غنم، ۵ کیلو بوره، یو پایه چپرکټ، یوه روغتیایي بسته، یو د پخلنخي کېټ ووېشل شول.
نېټه:۱۴۴۷/۱۲/۰۷ هـ ق
له پېښو سره د مبارزې آمادګۍ اداره
