د پکتیا ولایت له پېښو سره د مبارزې آمادګۍ ریاست له ۲۰۰ زیانمنو او اړمنو کورنیو سره خوراکي او غیرخوراکي مرستې وکړې
د پکتیا ولایت له پېښو سره د مبارزې آمادګۍ ریاست، ۲۰۰ زیانمنو او اړمنو کورنیو ته خوراکي او غیرخوراکي مرستې ووېشلې.
دا مرستې له پېښو سره د مبارزې آمادګۍ ملي ادارې د محترم مقام په لارښوونه ترسره شوې او هرې کورنۍ ته ۷۰ کیلو وریجې، یو حفظ الصحي کېټ، ۳ تختې کمپلې او د ماشومانو جامې ووېشل شوې.
مولوي نثار احمد نجات د یاد ریاست رئیس ووېل چې دا مرستې د هغو خلکو لپاره دي چې د سختو اقتصادي ستونزو سره مخ دي او له سروې وروسته هغوۍ ته ووېشل شوې. نوموړي همدارنګه ټینګار وکړ چې د امارتي ادارو او نړیوالو سازمانونو سره په همغږۍ به د اړمنو لپاره مرستې دوام وکړي.
نېټه:۱۴۴۶/۶/۳
له پېښو سره د مبارزې آمادګۍ ملي اداره
