د پکتیا ولایت پېښو سره د مبارزې ریاست د پېښو پر وړاندې چمتووالي کمېسیون د همغږي غونډه ترسره کړه

پکتیا- د چنګاښ ۲۸مه-۱۴۰۲ 
د پکتیا ولایت پېښو سره د مبارزې ریاست په مشرۍ تېره ورځ د دولتي ادارو غړو، د WFP، IOM، UNICEF، IRC، WASTA، او د ACTED موسسو د استازو په ګډون د پېښو پر وړاندې چمتووالي کمېسیون د همغږي غونډه ترسره شوه.
په دی غونډه کې لومړۍ مولوي نثار احمد نجات د یاد ولایت پېښو سره د مبارزې رییس د غونډې ګډونوالو ته په ښه راغلاست سره هغوۍ ته په دی ولایت کې د وروستیو بارانونو او سیلابونو له امله رامنځته شویو زیانونو، زیانمنو ته د رسېدنې او د بشري مرستو د وېش  په اړه معلومات وړاندې کړل.
همدارنګه د یاد ولایت سیندیزې حوزې رییس الحاج مولوي عبدالکریم فاتح د پکتیا ولایت پېښو سره د مبارزې ریاست لخوا زیانمنو ته د رسېدنې او ترسره شویو فعالیتونو څخه په ستاینې سره د هر اړخېزې همکارۍ ډاډ څرګند کړ.
همدارنګه د غونډې نورو ګډونوالو په خپل وار سره د پېښو مدیریت، زیانمنو ته د رسېدنې او راتلونکو پروګرامونو په اړه معلومات شریک کړل او د غوندې په پاۍ کې اړینې پرېکړې ونیول شوې.