د کاپیسا ولایت له پېښو سره د مبارزې آمادګۍ ریاست ۳۲۰ کورنیو ته د طبیعي پېښو په اړه عامه پوهاوي ورکړ او صیحي کېټونه یې ورته ووېشل
له پېښو سره د مبارزې آمادګۍ ملي ادارې او د GNI مؤسسې ترمنځ د لاسلیک شوي هوکړه لیک له مخې، د کاپیسا ولایت له پېښو سره د مبارزې آمادګۍ ریاست، د دې ولایت په نجراب ولسوالۍ کې له ۳۲۰ کورنیو څخه ۱۲۰ کورنیو هرې یوې ته د حفظ الصحې په اړه د عامه پوهاوي پروګرامونه او ۲۰۰ کورنیو ته د طبیعي پېښو د احتمالي خطرونو څخه د مخنیوي په اړه د عامه پوهاوي پروګرامونه ترسره کړل، چې له کډون کوونکو کورنیو څخه ۱۲۰ کورنیو ته روغتیایي کېټونه هم ووېشل شول.
همداراز، په یاده ولسوالۍ کې د دې مؤسسې په ملاتړ څلور کړۍ د څښلو وړ اوبو څاګانې هم ترمیم او ګټې اخیستنې ته وسپارل شوې او هم په جورغل کلي کې د ۱۰۰ مترو په اوږدوالي سره د یو استنادي دیوال د جوړولو چارې دوام لري.
د یادونې وړ ده، چې د کاپیسا ولایت له پېښو سره د مبارزې آمادګۍ ریاست محترم آمر؛ د دې مؤسسې د اساسي کړنو قدردانی وکړ او د کاپیسا ولایت په ټولو ولسوالیو کې د ورته خدماتو د ترسره کولو غوښتونکی شو.
نېټه: ۱۴۴۷/۵/۷ هـ ق
له پېښو سره مبارزې آمادګۍ ملي اداره
