له پیښو سره د مبارزې آمادګۍ ملي ادارې او د تخنیکي او پراختیایی مؤسیسې ACTED ترمنځ د ګډو همکاریو تفاهم نامه لاسلیک شوه
نن ورځ یکشنبه، له پیښو سره د مبارزې ملې ادارې سرپرست الحاج ملا نورالدین ترابي او د تخنیکي او پراختیایی مؤسیسې مرسیتاله الکسندرا یولیس، اداري مسؤل مسعود نورزاد او د بهرنیو اړیکو مسؤل اجمل کامران سره په خپل کاري دفتر کي وکتل.
ترابي صاحب دتخنیکي او پراختیایی مؤسیسې مرسیتالي او مل پلاوي ته د ښه راغلاست ترڅنګ وویل چي خوښ یو چي نن یو داسي تفاهم نامه لاسلیک کوو چي په هغه سره زموږ اولس ته نغدي او غیر خوراکي مرستي رسول کیږي او د یادي مؤسیسې د ټول کاري ټیم څخه یی ځانګړي مننه وکړه او وویل چي تاسو یادي مرستي باید جاري وساتي ترڅو اولس مو د خدماتو څخه برخمن سي او زیاته یې کړل چي ټول مؤسیساتو او سازمانونه باید افغان اولس ته اساسي کار وکړي ترڅو اولس ورسره هوسا او ګټه ځیني واخلي.
د ACTED مؤسیسې مرسیتالي الکسندر يولیس له پیښو سره د مبارزې آمادګۍ ملي ادارې د ټولو کارکونکو څخه مننه وکړل چي له پیښو سره د مبارزې آمادګۍ ملي ادارې زموږ کارونه بیله ځنډه راته خلاصوي او ترڅنګ ئی وویل چي له پيښو سره د مبارزې آمادګۍ ملي ادارې سره باید بیلابیل مؤسیسات او نړیوال سازمانونه بیلابیلي مرستي وکړي.
د یادوني وړ ده چي دا پروژه په شمال، لویدیځ او ختیځ ولایتونو کي د (۲۱۳۲۵۰۹) دوه میلونه یو لک دو دیش زره پنځه سوه نهه امریکایی ډالرو په ارزښت د ۴۸۲۰ کورنیو سره په لاندی ډول مرستي کوي، د ۱۲۸۰ کورنیو سره پر کور باندي ۳۳۱ ډالره، د ۱۹۴۰ کورنیو سره پرکور باندي ۳۴۵ ډالره او ۱۶۰۰ کورنیو ته غیر خوراکي مواد ویشي.
په ورستیو کي داوړي تفاهم نامي لاسلیک سوي او پر ګډو همکاريو د داوم غوښتنه وسوه.
نیټه: ۱۴۴۶/۴/۲۴ هــ ق
له پیښو سره د مبارزې د آمادګۍ ملي اداره
