له پېښو سره د مبارزې آمادګۍ ادارې لوی رئیس د ولایتونو پېښو ته د رسېدنې آمرینو د مسلکي ظرفیتونو لوړولو د بهیر ارزونه وکړه

rahyab
پنجشنبه ۱۴۰۵/۴/۱۸ - ۹:۵۴
image

نن پنجشنبه له غرمې مخکې، له پېښو سره د مبارزې آمادګۍ ادارې لوی رئیس، محترم الحاج ملا نورالدین ترابي، د دې ادارې د کنفرانس په تالار کې د هغو ولایتونو پېښو ته د رسېدنې له آمرینو سره چې د یوې اوونۍ په مسلکي، تخنیکي او اداري روزنیز سیمینار کې یې ګډون کړی و، وکتل او خبرې یې ورسره وکړې.

محترم الحاج ملا نورالدین ترابي په دې غونډه کې د پېښو مدیریت د بهیر د ښه والي، د خطرونو د کمولو او زیانمنو شویو کسانو ته پر وخت د خدمتونو د وړاندې کولو په برخه کې د تخصصي زده‌کړو، د مسلکي ظرفیتونو لوړولو او د مرکز او ولایتونو ترمنځ د اغېزمنې همغږۍ رول مهم وباله. نوموړي د نوې ټکنالوژۍ، معلوماتي سیستمونو، د معیاري راپور ورکولو طریقو، د معلوماتو د راټولولو او تحلیل او د پېښو د مدیریت په ټولو پړاوونو کې د ډیجیټلي وسایلو د اغېزمنې کارونې پر اړتیا ټینګار وکړ او دا یې د خدمتونو د وړاندې کولو د چټکتیا، دقت او روڼتیا د زیاتوالي لپاره یوه اساسي اړتیا وبلله.

ورپسې، د ولایتونو پېښو ته د رسېدنې آمرینو د خپلو کاري وضعیت، ستونزو، ننګونو او وړاندیزونو په اړه راپور وړاندې کړ او هغه یې د ادارې له مشرتابه سره شریک کړل. هغوی د دې سیمینار د زده‌کړو د پلي کولو، له اړوندو ادارو سره د همغږۍ د پیاوړتیا، پېښو ته د رسېدنې بهیر د ښه والي او هېوادوالو ته د اغېزمنو او پر وخت خدمتونو د وړاندې کولو ژمنه وکړه.

په پای کې، له پېښو سره د مبارزې آمادګۍ ادارې لوی رئیس د ولایتي آمرینو د هڅو او مسؤولیت‌منلو قدرداني وکړه او د روزنیزو پروګرامونو پر دوام، د کارکوونکو د ظرفیتونو پر لوړولو، د مرکز او ولایتونو ترمنځ د همغږۍ پر پیاوړتیا او د نوې مدیریتي طریقو پر کارونې ټینګار وکړ، څو په ټول هېواد کې د پېښو پر وړاندې چمتووالی زیات او پېښو ته د رسېدنې بهیر لا ښه شي.

وروستي خبرونه

یکشنبه ۱۴۰۵/۸/۳ - ۱۱:۴۶
Background image

د کندهار په ارغستان ولسوالۍ کې د اوبو بند جوړولو لپاره د همکاریو دوام

د کندهار ولایت له پېښو سره د مبارزې آمادګۍ ریاست د ارغستان ولسوالۍ د لوترکشه په سیمه کې د اوبو بند جوړولو لپاره د ۳٬۰۰۰ لیتره تېلو مرسته وکړه. د دغه بند په بشپړېدو سره به شاوخوا ۱۵۰٬۰۰۰. . .

یکشنبه ۱۴۰۵/۸/۳ - ۱۱:۴۴
Background image

د کندهار په نیش ولسوالۍ کې ۱۲۳ وچکالۍ ځپلو کورنیو ته خوراکي او غیرخوراکي مرستې ووېشل شوې

د کندهار ولایت له پېښو سره د مبارزې آمادګۍ ریاست، د یاد ولایت په نیش ولسوالۍ کې ۱۲۳ وچکالۍ ځپلو کورنیو ته له سروې وروسته خوراکي او غیرخوراکي مرستې ووېشلې. په دې بهیر کې هرې کورنۍ ته دوه. . .

یکشنبه ۱۴۰۵/۸/۳ - ۱۱:۳۹
Background image

د کندهار ولایت په مرکز کې ۶ عدده ناچاوده توکي کشف او خنثی شول

د کندهار ولایت له پېښو سره د مبارزې آمادګۍ ریاست د هلوټرسټ ماین پاکۍ موسسې د چټک غبرګون ټیم په همکارۍ، د کندهار ښار په ۱ ناحیه کې د زړو اوسپنو په یوه پلورنځي کې د عملیاتو پر مهال ۶ عدده. . .

نوي اعلانونهآخرین اطلاعیه ها

دوشنبه ۱۴۰۴/۱/۲۵ - ۱۵:۱۷
Background image
پنجشنبه ۱۴۰۳/۲/۶ - ۱۰:۳۱
Background image

رسنیز بلنلیک 

په روسیه فدراتیف هېواد کې مېشت د افغان سوداګریزې ټولنه په پام کې لري چې په افغانستان کې د وروستیو بارانونو او سېلابونو له امله زیانمنو سره د مرستې په موخه ۳۳ ټنه خوراکي مرستې نن ورځ د . . .

پنجشنبه ۱۴۰۱/۱۰/۲۲ - ۱۱:۴۲
Background image

اړینه- خبرتیا

لکه څرنګه چې زموږ هېوادوال پوهېږي، په تېرو څو ورځو کې د هېواد په یو شمېر ولایتونو کې د سختې یخنۍ ترڅنګ د واورې او بارانونو د ورېدو شاهدان و، او د ملکي هوايي چلند ادارې د هوا پېژندنې . . .