له پېښو سره د مبارزې آمادګۍ ملي ادارې او د آغاخان پراختیایي شبکې ترمنځ د دوه سوه  دوه نوي زره درې سوه او نه نوي (۲۹۲,۳۹۹) ډالرو په ارزښت د ګډو همکاریو تفاهم نامه لاسلیک سوه

نن ورځ سي شنبه له پېښو سره د مبارزې امادګۍ ملې ادارې لوی رئیس الحاج ملا نورالدین ترابي د اغاخان پراختیایي شبکي د اجرایوي رئیس راحت الله بیګ، حقوقي مسؤل عصمت الله عصمتي او اړیکو مسؤل شکرالله مدني سره په خپل کاري دفتر کي وکتل.
ترابي صاحب د آغاخان پراختایي شبکي راغلي پلاوي ته د ښه راغلاست ترڅنګ وویل چي خوشاله یو چي نن یو داسي تفاهم نامه لاسلیک کوو چي په هغه سره زموږ زیانمن اولس ته مرستي رسول کیږي او ددې شبکي د ټول کاري ټیم څخه یې مننه وکړه چي تل یې زموږ د زوریدلي اولس سره همکاري کړې ده.
همداراز ترابي صاحب د ژمي په رارسیدو سره یې د ټولو نړیوالو او داخلي مؤسیسو او سازمانونو څخه غوښتنه وکړه چي خپلي مرستي دي پر مستحقو کسانو وویشي.
د اغاخان پراختیایي شبکي اجرایوي رئیس راحت الله بیګ وویل چي پراختیایي شبکه یوه لویه پروژه او بنسټ دی او یاده شبکه په بیلابیلو برخو کي اولس ته خدمتونه وړاندي کوي.
ښاغلي بیګ زیاته کړل چي خوښ یو چي له پېښو سره د مبارزې امادګۍ ملي اداره زموږ کارونه بیله ځنډه راته خلاصوي دیادې ادارې د لوی رئیس او  دټول کار ټیم څخه یې ځانګړې مننه وکړل او ترڅنګ وویل چي دیادي ادارې سره باید بیلابیل موسیسات او سازمانونه دطبعي او غیري طبعي پېښو لپاره مرسته وکړي ترڅو افغان اولس پر وخت د یادو مرستو څخه برخمن سي.
د یادوني وړه ده چي  د دواړو لوریو ترمنځ د دوه سوه او دوه نوي زره او درې سوه او نه نوي (۲۹۲،۳۹۹) ډالرو په ارزښت د ګډو همکاریو تفاهم نامه لاسلیک سوه، چې له مخې به یې د بدخشان ولایت په اشکاشم، وردوج، زیباک، ارغنخواه، واخان، شغنان، شکی، نسی، کوف آب، مایمي، خواهان، جرم، یمګان، کران او منجان ولسوالیو کې ۴،۶۸۴ زیانمنو سویو کورنیو، هرې کورنۍ ته په درېیو میاشتو کې ۳،۹۴۴.۲ مټریک ټنه خوراکي توکي ، چې په هغه کې ۵۰ کیلو اوړه، ۴.۵۵ کیلو غوړ، ۰.۵۰ کیلو مالګه او ۶.۲۵ کیلو دال نخود شتون لري ووېشل سي.

نیټه: ۱۴۳۷/۰۴/۱۴ هـ ق
له پېښو سره د مبارزې امادګۍ ملي اداره