له پېښو سره د مبارزې آمادګۍ ملي ادارې سرپرست د UN-OCHA له رئیسي سره وکتل
نن ورځ یک شنبه، له پېښو سره د مبارزې آمادګۍ ملي ادارې سرپرست الحاج ملا نورالدین ترابي په خپل کاري دفتر کې د اوچا د رئیسي اغلې ازابيل سره وکتل.
ښاغلې ترابي صاحب د اوچا د دفتر راغلي پلاوي ته د ښه راغلاست ترڅنګ وویل چي خوښ یو چي یو د بل سره همکاري کوو او موږ تل هڅه کوو چي د بیلابیلو لارو زیانمنو کورنیو ته رسیدګي وکړو او پر وخت یې د مرستو څخه برخمن کړو.
همدا راز ترابي صاحب د اوچا د راغلي پلاوي څخه غوښتنه وکړه، چي ټول مؤسیسات دي خلکو ته اساسي کارونه وکړي تر څو خلک د مرستو څخه ښه استفاده وکړي.
د دې ترڅنګ، ښاغلې ترابي صاحب وویل چي بادغیس ولایت په درینور ولسوالۍ کي خلګ وچکالۍ ځپلي دي او اوبو ته هیڅ لاسرسی نه لري او که د اوبو رسونه ژر ورته ونسي، ۲۷۵۰ کورنۍ به بي ځایه سوي، باید دغه ستونزه پر وخت حل سي او موږ په دی اړه د بیلابیلو مؤسیساتو څخه غوښتنه کړې ده.
وروسته، د اوچا رئیسي اغلې ازابيل وویل چي له پېښو سره د مبارزې آمادګۍ ملي ادارې په کارونو کې چټکتیا روښانه ده او موږ له تاسو څخه مننه کوو چي کارونه مو په چټکۍ روان کړي دي. هغی همدارنګه څرګنده کړه چې د تېرو کلونو په پرتله زموږ په بودیجه کي د پام وړ کموالی راغلی دی او موږ تل هڅه کوو، چي زیانمنو کورنیو ته پر وخت رسیدنه وکړو او زیانمني کورنۍ د مرستو څخه برخمني کړو. رته مهال، اغلې ازابیل څرګنده کړه چي دوی هرکال کلنۍ پلان جوړه وې او بیلابیلو برخو ته بودیجه پکښي معلومه وې او د بادغیس ولایت د وچکالۍ ځپلي سیمي ستونزه به د مؤسیساتو سره شریک کړې.
په ورسیتو کي د دواړو لورو لخوا ژمنه وسوه چي په ګډه به هغه ستونزي له منځه وړی چي خنډونه یې رامنځ کړي دي.
نیټه: ۱۴۴۷/۲/۲ هــ ق
له پېښو سره دمبارزې امادګۍ ملي اداره
