له پېښو سره د مبارزې آمادګۍ ملي ادارې ۹ عرادې ټویوټا کرولا ډول وسایط وپېرل
له پېښو سره د مبارزې آمادګۍ ملي ادارې، مخکې د افغانستان اسلامي امارت د ریاستالوزراء عالي مقام د حکم له مخې خپل ۲۱ عرادې بېلابېل ډول غیر فعال موټرونه، چې په بشپړ ډول له فعالیت څخه لوېدلي وو، د آزاد لیلام له لارې وپلورل او اوس مهال یې ۹ عرادې نوي ټویوټا کرولا ډول وسایط وپېرل.
هغه وسایط چې مخکې پلورل شوي وو، د ادارې د اوسني تشکیلاتي جوړښت له مخې د کارولو وړ نه وو, د قانوني اصولو او کړنلارو په بشپړ رعایت سره په پوره شفافیت او علني ډول د لیلام له لارې وپلورل شول او اوس مهال د یو موظف پلاوي له لوري چې مشري یې له پېښو سره د مبارزې آمادګۍ ملي ادارې د مقام د دفتر رئیس, محترم مولوي فضل باري جواد کوي، نوي موټرونه د هرات ولایت له اسلامقلعه څخه پېرودل شوي او مرکز ته انتقال شوي دي.
د یادونې وړ ده, چې یاد اقدام د سرچینو د اغېزمن مدیریت، د اداري شفافیت د لوړولو، د لګښتونو د کمولو او چارو ته پر وخت د رسېدو په موخه ترسره شوی دی.
نېټه: ۱۴۴۷/۵/۱۴ هـ ق
له پېښو سره د مبارزې آمادګۍ ملي اداره
