پر زيانمنو او اړمنو خوراکي توکي وويشل شول

پکتیا - ۱۴۴۴/۹/۲۲
پکتيا د پېښو پر وړاندې د مبارزې او چمتوالي رياست په ملاتړ نږدې پر سلو زيانمنو او اړمنو د خوراکي توکو بسته وويشل شوه.
د مرستې لړۍ د قران پاک په مبارکو ايتونو سره پيل شوه بيا پکتيا د پېښو پر وړاندې د مبارزې او چمتوالي رييس مولوي نثار احمد نجات زيانمنو او اړمنو ته په خبرو کې وويل د تېرو بارانونو له امله زموږ ځينې هيوادوال زيانمن شول او ورسره مو هغه ګونډې او بې سرپرسته يتيمان په ياده توزيع کې نېولي، چې هيڅوک سرپرست يې نه درلود، نجات زياته کړه د دې سربېره ګڼو موسساتو د بارانونو زيانمن سروې کړي او راتلوونکو ورځو کې به په ښه اندازه مرستې تر لاسه کړي نجات زياتوي، چې په اسلامي نظام کې دا هڅه کېږي، چې تر خپله وسه د ولس ستونزې حل کاندي او د خلکو ستونزو ته هغه که شپه وي يا ورځ رسمي وي يا رخصتي ځان رسوو.
نجات وويل نننۍ توزيع د يوې منظمې سروې په پايله کې کوو، چې نږدې د يو ميلون افغانيو په لګښت ده او هرې کورنۍ ته پينځوس کيلو غنم، پينځوس کيلو وريجې، پينځه کيلو تور چای، لس پاکټه آش، پينځه کوتيه مرابع او شپږ دانې صابون شامل دی.
مولوي نثار احمد زيانمنو او اړمنو ته ډاډ ورکړ، چې له دې وړاندې مو هم په زرګونو زيانمنو او اړمنو ته د خوراکي، نغدو پيسو او غير خوراکي توکو مرستې راجلب کړې او تر دوی مو رسولې دي ان شاءالله راتلوونکي کې هم ډاډمن يو، چې مرستې به ترلاسه او تر تاسو در رسوو.
د يادونې وړ ده ،چې پکتيا د پېښو پر وړاندې د مبارزې او چمتوالي رياست په ۱۴۰۱ کال اخيره نږدې تر يو لک کورنيو پورې په خپلو امکاناتو او د بېلابېلو موسساتو په مرسته په مرکز او ولسواليو کې د خوراکي، نغدو پيسو او غير خوراکي توکو مرستې تر سره کړې دي.