په بغلان ولایت کې د ۲۷ ولسي ژغورنې کمېټو د جوړېدو او تجهیز سره هم مهاله د زلزله په اړه د پوهاوي پروګرام ترسره شو
له پېښو سره د مبارزې آمادګۍ ملي ادارې او د هستوګنې لپاره د آغاخان مؤسسې (AKAH) ترمنځ د همکارۍ د هوکړه لیک پر بنسټ، د بغلان ولایت له پېښو سره د مبارزې آمادګۍ ریاست د یادې مؤسسې په ملاتړ په پنځو ولسوالیو دهنهغوري، دوشي، بنو، دهصلاح او خنجان کې د سیمهییزو اوسېدونکو لپاره د زلزلې په اړه د عامه پوهاوي پروګرام ترسره کړ.
په دې پروګرام کې، د هستوګنې لپاره د آغاخان مؤسسې (AKAH) د طبیعي پېښو پر وړاندې د خلکو د مقاومت لوړولو په موخه، ۲۷ د ولسي ژغورنې ټیمونه جوړ کړي او هر ټیم ته یې د زلزله پر وړاندې ۲۰ قلمه ژغورنیز وسایل ووېشل، څو وکولای شي د زلزلې پر مهال د مرستې رسولو او روغتیایي مرکزونو ته د زیانمنو کسانو د انتقال په چارو کې ترې ګټه واخلي.
د دې پروګرام موخه د خلکو د پوهاوي کچه لوړول، د زلزلې پر مهال د ځان ساتنې لارې زده کول او د طبیعي پېښو پر مهال د بشري تلفاتو کمول دي.
نېټه: ۱۴۴۷/۴/۲۹ هـ ق
له پېښو سره د مبارزې آمادګي ملي اداره
