په کونړ ولایت کې د سېلابونو په راوتو سره خلکو ته ځاني او مالي زیانونه اوښتي دي
نن مازدیګر د کونړ ولایت اړوند په لمټک, کوډو او شړولو کلیو کې د سختو بارانونو له امله سېلابونه راوتلي, چې د یاد ولایت له پېښو سره د مبارزې آمادګۍ مشر محترم الحاج قاري ثابت الله صدیقي د یادې ولسوالۍ اړوند د مسؤلینو په ملتیا له زیانمنو سیمو لیدنه وکړه.
همدارنګه د لومړنیو راپورونو له مخې, د دغو سېلاوبونو له امله ۸۵ کورونه ویجاړ شوي, ۹ کسان ټپیان شوي, ۱ کس شهید, او ترڅنګ ۴۰۰ جریبه ځمکه,۲ عرادې موټرونه, ۲ کیلو متره سړکونه, ۳۰ څاروي او یو عمومي کانال زیانمن شوی.
د یادونې وړ ده چې, د یاد ریاست مشر د یو پلاوي په ملتیا له خلکو سره وکتل او د هغوی د ستونزو هوارولو لپاره یې د مرستو ډاډ وکړ.
نېټه: ۱۴۴۶/۰۴/۰۲
له پېښو سره د مبارزې آمادګۍ ملي اداره
