پیښو ته د چمتووالي او رسیدنې ملي ادارې سرپرست له جګړه ځپلو ماشومانو لپاره د انګلستان موسسې له سرپرست سره وکتل؛ پروژه به په درې ولایتونو کې د ۵۰۰ زرو زیاته ډالرو په ارزښت تطبیق سې
کابل - ۲۰ صفرالمظفر ۱۴۴۶
نن له غرمې وروسته، پیښو ته د چمتووالي او رسیدنې ملي ادارې سرپرست محترم الـــ…حاج م.لا نور الــ..دین تـ…رابي په خپل دفتر کې د جګړه ځپلو ماشومانو لپاره د انګلستان موسسې له سرپرست ښاغلي جورډن لم سره وکتل او خبرې یې وکړې.
محترم تـ…رابي صاحب وویل چې زما کاري پاليسي دا ده چې نه یواځې د مرستندویه موسسو په کارونو کې خنډ نه جوړوم، بلکې دوی هڅوم او اسانتیاوې ورته برابرم، ترڅو د دوی کارونه په چټکۍ سره پر مخ ولاړ شي. هغه زیاته کړه چې موږ د خلکو اړتیاوې په مختلفو ولایتونو کې ترتیب کړې دي او له تاسو سره به یې شريک کړو، ترڅو تاسو خپل پروژې د هغې له مخې تطبیق کړئ.
همدارنګه ښاغلي جورډن لم د افغانستان اسلامي امارت لهخوا د پروژو د تطبیق لپاره د اسانتیاوو برابرولو مننه وکړه او د اوسنې پروژې په اړه یې معلومات ورکړل، هغه وویل چې موږ د بلخ، جوزجان او بادغیس په ولایتونو کی د ماشومانو او کورنیو لپاره د ۵۹۴۲۲۲ ډالرو په ارزښت پروژه په نظر کې لرو چې د ماشومانو د ذهني ودې لپاره رواني خدمات، قرطاسیه، خوراکي مواد او د درملنې لپاره نقدي مرسته پکې شامل دي.
د یادې موسسې سرپرست همدارنګه د دې ادارې لخوا د پېښو له امله زیانمنو سوې خلګو د اړتیاوو د لیست ترتیبولو څخه مننه وکړه او وې ویل: دا زموږ سره مرسته کوي چې په خپل لس کلن پلان کې له لومړیتوبونو څخه کار واخلو او پر بنسټ یې خپلې چارې پر مخ یوسو.
په پای کې دواړو خواوو د لا زیاتو او مؤثرو پروژو د تطبیق لپاره د دوه اړخیزو همکاریو د دوام ټینګار وکړ.
د یادونې وړ ده چې دا پروژه د وچکالۍ څخه اغیزمنو شویو کسانو لپاره د بیړنیو مرستو تر عنوان لاندې به ډېر ژر د بلخ په مرکز مزار شریف او چمتال والسوالی کی ، د جوزجان په مرکز شبرغان او خانقا ولسوالی کی او د بادغیس په مقر، بالا مرغاب، آب کمري او غورماچ ولسوالیو کې تطبیق شي او ۱۸۲۶ کورنۍ به تر پوښښ لاندې راولي.
