په کونړ ولایت کې د دوه میلیونه افغانیو په ارزښت د یو چک ډیم چارې بشپړې او ګټې اخیستنې ته وسپارل شو
کونړ- د غبرګولي ۱۵مه-۱۴۰۳
د کونړ ولایت پېښو سره د مبارزې ریاست د IOM موسسې په مالي او تخنیکي همکاري، د یاد ولایت خاص کونړ ولسوالۍ په اولۍ دره کې د ۲۲ متره په اوږدوالي، ۱۰ متره لوړوالي او ۲ میلیونه افغانیو په ارزښت د یو چک ډیم چارې بشپړې او ګټې اخېستنې ته وسپاره.
د یادونې وړ ده چې دغه چک ډیم د ۱۴۰۰۰ متر مکعب اوبو ذخیره کولو ظرفیت لري او د دغه چک ډیم په جوړېدو سره به لسګونه کورونه د سېلابونو له خطر څخه خوندي پاتې شي او همدارنګه زیاته کرنیزه ځمکه به هم خړوبه شي.
د یادونې ده چې د سیمو خلکو د دغه چک ډیم په جوړېدو سره خوښۍ څرګنده کړه او د دې ډول نورو وقایوي پروژو پلي کولو غوښتنه یې وکړه.
