د کندهار ولایت د کرنې ریاست له ګودام څخه ٣,٠٠٠ بورۍ غنم د زابل او اروزګان ولایتونو ته ولېږدول شول
نن ورځ یکشنبه، د عالیقدر امیرالمؤمنین حفظه الله د لارښونې له مخې، د هیواد ټولو ولایتونو ته له مرکزی سیلو څخه د غنمو د لېږد بهیر پیل شو. په دې چوکاټ کې، به د (٣,۰۰۰ بوریو) په اندازه ١٥٠ ټنه غنم، د کندهار ولایت د کرنې ریاست له لوري د اروزګان او زابل ولایتونو د پېښو له امله زیانمنو شویو کورنیو ته د وېش په موخه ولېږدول شي.
د يادونې وړ ده، چې دغه اندازه غنم به د اروزګان او زابل ولایتونو له پېښو سره د مبارزې آمادګۍ رياستونو په ګودامونو کې زخیره شي او د اړتيا په صورت کې به پر مستحقو او زيانمنو شويو کورنيو ووېشل شي.
نېټه: ١٤٤٦/١٠/٢٢ ه. ق
له پېښو سره د مبارزې آمادګۍ ملي اداره
