د بامیان ولایت د پوهنتون او ښاري ښوونځیو د استادانو لپاره د زلزلې له خطرونو څخه د خوندیتوب پروګرام ترسره شو
د بامیان ولایت له پېښو سره د مبارزې آمادګۍ ریاست د هستوګنې لپاره د آغاخان محترمې مؤسسې (AKAH) په همکارۍ، د ښاري ښوونځیو او بامیان پوهنتون د استادانو، او همدارنګه د یاد ریاست د کارکوونکو لپاره د زلزلې له خطرونو څخه د خوندیتوب (Shake Out) تر نامه لاندې پروګرام ترسره کړ.
یاد پروګرام د بامیان ولایت له پېښو سره د مبارزې آمادګۍ رئیس په شتون کې، د بامیان ښاري ښوونځیو د ۴۰ تنو استادانو، د ریاست د کارکوونکو او د بامیان پوهنتون د ۱۷ تنو استادانو په ګډون ترسره شو.
د یادونې وړ ده چې د زلزلې له خطرونو څخه د خوندیتوب (Shake Out) دغه پروګرام هرکال د اکتوبر په میاشت کې د هستوګنې لپاره د آغاخان مؤسسې (AKAH) له لوري د افغانستان د ښوونځیو او پوهنتونونو په کچه د زلزلې د خطرونو په وړاندې د پوهاوي او چمتووالي د لوړولو په موخه ترسره کېږي.
نېټه: ۱۴۴۷/۴/۲۹ هـ ق
له پېښو سره د مبارزې آمادګۍ ملي اداره
