د لغمان ولایت له پېښو سره د مبارزې آمادګۍ ریاست اجباري راستنېدونکو ۷۰ کورنيو ته خوراکي مرستې ووېشلې
د لغمان ولایت له پېښو سره د مبارزې آمادګۍ ریاست، د دې ولایت په قرغيو ولسوالۍ کې د کډوالو لپاره په سرخکانو پنډغالي کې له ګاونډیو هېوادونو څخه یاد ولایت ته په اجباري توګه راستنېدونکو ۷۰ کورنیو ته خوراکي مرستې ووېشلې.
په دې لړۍ کې، له سروې وروسته د مسؤلینو په شتون کې، هرې کورنۍ ته ۵۰ کيلو اوړه او ۵ ليتره غوړي وويشل شول.
مرسته اخيستونکو د دې مرستو په ترلاسه کولو سره خوښې وښوده او له پېښو سره د مبارزې آمادګۍ ریاست څخه یې مننه او قدرداني وکړه او ویې ویل چې په دې پنډغالي کې د مسؤلینو له لوري له کډوالو سره په هره برخه کې لازمي مرستې ترسره کېږي.
نېټه: ۱۴۴۷/۴/۲۹ هـ ق
له پېښو سره د مبارزې آمادګۍ ملي اداره
