د تخار ولایت له پېښو سره د مبارزې آمادګۍ ریاست ٨٠ زیانمنو کورنیو ته نغدي مرستې ووېشلې
د تخار ولایت له پېښو سره د مبارزې آمادګۍ ریاست د اکټیډ موسسې په مالي ملاتړ، ٨٠ کورنیو ته چې د طبیعي او غیر طبیعي پېښو له امله د دې ولایت په چاه آب ولسوالۍ کې زیانمنې شوې وې، له سروې وروسته نغدي مرستې ووېشلې.
په دې لړې کې د سیمه ییزو مسؤلینو په شتون کې د هرې کورنۍ لپاره ٢٢,٥٦٠ افغانۍ ځانګړې شوې وې چې په مجموع کې ١,٨٠٤,٨٠٠ ( ١ میلیون، ۸۰۴ زره او ۸۰۰ ) افغانۍ یاد شمېر کورنیو ته ووېشل شوې.
ورته مهال له مرستو برخه منو د مرستو په پار د یاد ریاست او د موسسې له مسؤلینو مننه وکړه او د مرستو د زیاتېدو غوښتنه یې وکړه
نېټه:۱۴۴۶/۶/۲۳
له پېښو سره د مبارزې آمادګۍ ملي اداره
