د فاریاب ولایت له پېښو سره د مبارزې آمادګۍ ریاست ۳۷۰ کورنیو ته خوراکي مرستې ووېشلې
له پېښو سره د مبارزې آمادګۍ ملي ادارې او د افغان ښځو د وړتیاوو د ودې مرکز (AWSDC) موسسې ترمنځ د لاسلیک شوي هوکړه لیک له مخې، د فاریاب ولایت له پېښو سره د مبارزې آمادګۍ ریاست د یادې موسسې په ملاتړ، د دې ولایت په پشتون کوټ ولسوالۍ کې (د بېوزلۍ او وچکالۍ له ناورین څخه د زیانمنونکو ټولنو د اقتصادي وضعیت د ښه والي) تر نامه لاندې پروژې په لړ کې ۳۷۰ کورنیو ته خوراکي مرستې ووېشلې.
په دې لړۍ کې هرې کورنۍ ته د مسؤلینو په شتون کې، ۲ بورۍ ۵۰ کیلویي اوړه، ۱ بورۍ ۲۴ کیلویي وریجې، ۱ کیلو مالګه، ۵ لیټره غوړي او ۹ کیلو دال ووېشل شول.
نېټه:۱۴۴۷/۰۷/۰۲
له پېښو سره د مبارزې آمادګۍ ملي اداره
