د سرپل ولایت په الجهاد ولسوالۍ کې د BM-14 ډوله یو فیر راکټ کشف او خنثی شو
د سرپل ولایت له پېښو سره د مبارزې آمادګۍ ریاست له لوري د هیلو ټرسټ ماینپاکۍ مؤسسې سره د همغږۍ پر بنسټ، د الجهاد ولسوالۍ د نیمدان کلي اوسېدونکو د راپور له ترلاسه کېدو وروسته، د تېرو جګړو پاتې یو BM-14 ډوله ناچاوده راکټ د یادې مؤسسې د ماینپاکۍ ټیمونو له لوري کشف او په خوندي ډول له منځه یووړل شو.
دا اقدام د ناچاوده توکو له امله د رامنځته کېدونکو خطرونو د کمولو، د خلکو د ځان او مال د خونديتوب او د سیمې د اوسېدونکو د امنیت د تأمین په موخه ترسره شوی دی.
د سرپل ولایت له پېښو سره د مبارزې آمادګۍ ریاست له ټولو هېوادوالو غوښتنه کوي، چې د هر ډول ناچاوده یا شکمنو توکو د لیدلو په صورت کې دې دغو توکو ته له نږدې کېدو څخه ډډه وکړي او ژر تر ژره دې اړوند مسؤلینو ته خبر ورکړي، ترڅو د خلکو د ځان او مال د خونديتوب لپاره پر وخت لازم اقدامات ترسره شي.
