له پیښو سره دمبارزې امادګۍ ملي ادارې او دماینونو پاکولو او پلان جوړولو MCPA موسیسې ترمنځ تفاهم نامه لاسلیک سوه
نن ورځ یک شنبه له پیښو سره دمبارزې امادګۍ ملي ادارې دسرپرست الحاج ملا نورالدین تورابي صاحب او دماینونو پاکولو او پلان جوړولو MCPA موسیسې دمعاون محمد اکرام امیري لخوا پر ګډو همکاریو تفاهم نامه لاسلیک سوه.
له پیښو سره دمبارزې امادګۍ ملي ادارې سرپرست الحاج ملا نورالدین ترابي د ماین پاکولو او پلان جوړولو MCPA موسیسې معاون ته ښه راغلاست ووایه او زیاته یی کړه چي افغانان شل کاله جګړو ځپلي دي او په هره برخه کي همکاري ورسره کیږي باید زموږ او دموسیساتو لخوا ورسره وسي.
ترابي صاحب زیاته کړل چي په هر ولایت دموسیساتو لخوا خلګو ته خدمات وړاندي کیږي باید میعاري او اساسي وي ترڅو خلګ ورڅخه استفاده وکړي.
دماین پاکولو او پلان جوړولو MPCA موسیسې معاون محمد اکرام امیري وویل یاده موسیسه د ۱۳۶۹ هجري کال راهیسي دملګرو ملتونو په چوکاټ کي فعالیت کوي په اوسنۍ پروژه کي موږ په ۷ ولایتو او ۴۲ ولسوالیو کي سروې لرو چي په یاده سروې کي دوه ټیمه دي ترڅو خلګو ته غوره خدمات وړاندي کړو.
دیادولو وړه ده چي یاده پروژه د ۹۸ زره ډالرو په ارزښت د بیلابیلو برخو په سروې کي یوه کال کي عملي کیږي.
نیټه: ۱۴۴۶/۳/۱۲ هـ ق
له پیښو سره دمبارزې امادګۍ ملي اداره
