په مزار شریف ښار کې د اور لګېدنې د مخنیوي په موخه یو ګډ پلاوي د تېلو له ټانکونو څخه څارنه وکړه
د بلخ ولایت له پېښو سره د مبارزې آمادګۍ ریاست د بلخ ولایت د محترم مقام د ۱۴۴۶/۱۱/۱۷ نیټې د (۴۷۲۷) ګنې د حکم او له پېښو سره د مبارزې آمادګۍ ملي ادارې د مقام د لارښوونې له مخې، د ښاروالۍ، اطفایې، مستوفیت، د کور او ښار جوړونې، استخباراتو، سوداګریزو خونو، د سوداګرۍ او کانونو، د تېلو او ګازو او د دې ریاست له استازو څخه جوړ شوي پلاوي د مزار شریف په ښار کې د جمشیدي نمبر ۹، جمشیدي نمبر ۴، قناعت او د اتفاق تېل ټاکونو او د سن پټرولیم څخه د اور لګېدنې د مخنیوي له وقایوي وسایلو څخه د سروې اوڅارنې په موخه لیدنه وکړه.
د سروې د ټیم د موندنو له مخې، له سن پټرولیم پرته ټولو ټانکونو د وقایوي معیارونو سره سم فعالیت کوو. د "سن پټرولیم" په تاسیساتو کې د تشو د له منځه وړلو په اړه، د سروې ټیم اړینې سپارښتنې وړاندې کړې او د دواړو خواوو په موافقه سره د نیمګړتیاوو د له منځه وړلو په موخه ځانګړی وخت وټاکل شو.
د دې تاسیساتو مسؤلینو هم ژمنه وکړه، چې تر ټاکل شوي وخت پورې به موجوده نیمګړتیاوې سمې کړي ترڅو په راتلونکې څارنه کې د معیارونو له بشپړ تطبیق څخه ډاډ تر لاسه شي.
نیټه: ١٤٤٦/١/١١ هـ ق
له پېښو سره د مبارزې آمادګۍ ملي اداره
